Hjálparfólk starvast innan eitt breitt øki og eru ein týðandi partur av arbeiðinum á bæði almanna- og heilsuøkinum. Tey veita stuðul til fólk í øllum aldri og arbeiða í ymiskum umhvørvum.

Hjálparfólk kunnu millum annað starvast:

• í dagstovnum og skúlum
• í eldrasambýlum og ellis- og røktarheimum
• í sambýlum og búeindum fyri fólk við serligum tørvi
• á sjúkrahúsum og psykiatriskum deildum
• í heimarøktini
• sum stuðlar fyri einstaklingar við serligum tørvi
• í virkishúsum og dagtilhaldum
• í viðgerðarstovnum og á stuðulstiltøkum

Hjálparfólk hava eitt fjølbroytt starv, sum fevnir bæði um praktiskar og sosialar uppgávur, og tey hava ein týðandi leiklut í at tryggja trivnaðin hjá teimum, tey veita tænastur.